مسجات الفراق

{ مسجات الفراق }


*حبــــيبي
للوصل سبه.. وللفرقى كثير..
أسباب؟!
وأنا صابر عشانك
وحبك صار
مشقيني


*من راح من كيفه
وكيفه يوديه
خله على كيفه
وكيفه يجيبه
كانه نوى البعد
عسا الله يهنيه
واللي يصد اليوم
صده مصيبه؟!
اللي يصد وشاف
جرحي يسليه..
عندي حظورة
يشبهه في مغيبه؟!


*بودعك وأنتي إللي
ساكنة دمي
أبقي بعيدة وروحك
معي في ثيابي

وإن سولفوا في
حظورك عن بعض همي
قولي لهم كان يعشق
ريحة ترابي ..

قولي لهم لاشرب دمع
الحزن كمي ..
هذي دموعه ولكن
هي من أسبابي ..


*الله يرحم حبنا اللي قتلتيه
جفت دموعي والبقيه في حياتك
أنتي بديتي الحب وأنتي نهيتيه
إقرأي عليه الفاتحه في صلاتك
الله وأكبر
من يسوي سواتك
مره لبستي الحب ومره شلتيه
هذا الهوى لا تحسبينه عبايتك
قلتي إحفظه تذكار وأقول مابيه
تذكار حبي

هو شهادة وفاتك


*فرصة سعيده وافترقنا على خير
كنت اتمنى تكون قسمة حياتي
هذا نصيبي واللي جنته المقادير
تبعد وأنا أبعد في سكون وسكاتي
ذكراك هذي وانتهت دون تفسير
صارت تسمى ماضي ذكرياتي
فرصة سعيده جمعتنا على خير
خلك بقايا ساكنه ماضياتي


*قالت فمان الله واقفت وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونيت ونه واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي


*طالت رحلتي وياكـ
وعمري ماشتكيت منكـ
واليوم شخص ثاني خذاكـ
لأجل يبعدني ويبعدكـ
تمنيت أكمل رحلتي بهواكـ
وتبقى مع اللي يسعدكـ
بحفظ أنا في قلبي غلاكـ
ومهما طال العمر أوعدكـ
تكون انت مثل ما أنت
ماينزل بعيني مستواكـ


*انا اسف بس ابي اعرف انا شسويت علشان تسوي كل هذا


*دام ان حبي

على قولك يوطي الراس

مع السلامه حبيبي وارفعه راسك


*اعلن رحيلك قدر الامكان

بس بفراق يكون باسلوب هادي

ما ودي بفرقى الم ودمع واحزان

ودي يكون فراقنا بشكل عادي


*من انا بحياتك؟؟

مجرد حبيب تسليت معاه

وبالنهايه تركته!

مجرد ذكرى مرت

بحياتك ونسيته!

أو معلم حبيبت يعلمك الغرام

وبالاخير جرحته


*لا عشق

لا حب

لاهم

صارت انا عندي شهاده

الشخص محد يحبه

غير بس هم والدينه


*سو اللي براسك ولا تذكر أسباب

لا صرت بايعني توكل على الله


*بصراحة كنت متعود أعيد هالسنة عيدين

ولكن هالحين..

فراقك صار ثالث اعيــــادي


*تركني يا ناس حبيبي وراح
وما بقالي غير ذكريات
ارجع لها من بعده
نسى طيبتي معاه
وخذ له صاحب اناني
انا من لي بعد فرقاه
غير دمعي
" وحلم انا بنيته وانت هدمته "


*دامك ناوي على الفراق
انا شلي جابرني اعاني
دامك كاره طاري اسمي
ابعد عني ارجوك
لا ترجع لي ثاني
يكفي الي جاني منك ..


*لا تغير الموضوع لاقلت وش فيك
تبي الفرقا ترى الوضع عادي


*إن كان قلبي ما حرك شعورك...
فرصه سعيده واعتبرنا انتهينا..


*لو الارض تحس بحسرتي يوم فرقاك .. يمكن تجف بحورها من زعلها


*ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن في بالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'


*الدنيا دوارة..
ولازم نرضى بالمكتوب

مصير اللي يعز انسان تجيله لحظة النسيان
ومصير اللي جرح انسان تجيله لحظة الندمان
ومصيري لا غلطت عليك يجيلك يوم وتكون غلطان

ولكن مصير اللي صفا قلبه ماينسى بيوم أحد حبه ..


*قبل انتفارق سطرتلك
يميني آخر رساله
حب أودعك فيها
هذا قدرنا بالهوى
صدقني الايام ماتمشي
على مانبيها
ودعتك الله
وإن قسيت أعذرني
وعيوبي اللي تعرف استرها
وان كان عذبتك معي
سامحني
وانسى ذنوبي
الاوله واغفرها
تذكرني دوووم
لاني في هالدنيا يمك
لكن بيجي يوم
بياخذني القبر عنك ..


*تفرقنا تبعدنا مشينا سكة الأيام

رسمنا بالوهم بسمه تنسينا مآسينا

على ايش نصبر مادام الحظ فيها نام

ولو هي عيننا تذرف دمعهامايواسينا

تعبنا للفرح نركض مشينا سيربالأقدام

ونرجع نفس ماكنا كأن مارحناأوجينا


*لحظه قبل لا تطلب البعد وتغيب؟
وتنتهي مرحله من حياتك؟
روح واترك بقلبي اربع معــــــــازيب؟
(معزتك),(طاريك),(حبـــك),(غلاتك)
وان شفتني اجمع شتاتي ...
ترى ماهو «عـيـب»
باكر مع الأيام تجمع شتـــــاتك ،،


*وفر كلامك وورني عرض الاكتاف

قلبي كره هجرك ولا هو بمجبور

ترى القلوب بطبعها شي شفاف

الكسر فيها صعب تلقلى له جبور

ولاتحسب اني من الهجر بخاف

ياشيخ خذ حبك وقلبك ومشكور..!!


*تولعت بك والله كتب لي فرقاك..
حسبي على الحظ الردي كأنه اشقاني..
ترى الي يسليني عن مشاهدك ذكراك..
وانا مستحيل انساك أخاف أنت تنسيني..


*إسألي الآهات وش كثر اسكنت
إسألي الدمعات كم مره ذرفت

اسألي شفاتي آخر مره اضحكت
اسألي السعادة ليه ودعتني واختفت

اسألي الأحزان ليه هامت فيني واسكنت
وقتها تعرفي حياتي من فراقك كيف أصبحت


*حزين ودروبي عذاب
انسان محروم من الحنان
ومجبور بصمتي أبوح
واحساس قلبي يحترق
تعال ياراعي الحنان
تعال وامنحني الأمان
تعال واسمع ونتي
تعال وامسح دمعتي
واحزان قلبي يالحبيب
وهذا انا انسان
حطمه (( الفراق ))


*ضاع الأمل في رجعتك وأقبل الياس
وأشوف حلمي مات قدام عيني
اشتقت لك ياأصدق الناس باحساس
تعال وقف بين همي وبيني
في غيبتك تسأل عن غيابي الناس
لاأجي أحد بعدك ولا أحد يجيني
واللي بقى من عاشقك عظم وأنفاس
واهموم كيد ماتناست سنيني
بنيت بأحزاني سكن أنت الأساس
وصلت حبك والوفاء عيب فيني
ان كان ذا بعض التغلي فلاباس
وان كان به غيري قتلني حنيني


*ألف رحمه عليه
~حبي~ اللي ذبحته..
ألف رحمه عليه
~عمري~ اللي أخذته..
كان بيدك تسعده ،،، تحضنه ماتبعده
كانك أنت نسيت ،،، عمري ماراح أنسى
هذا ~قلبي~ وأسأله كم عذاب تحمله؟!!


*لأني عرفت اليوم كل الحقيقة
بنساك لأنك فاقد شعور واحساس
انت حرام تكون واحد من الناس
ومثلك فلا يبقى معانا دقيقة
يا معطيتك حب من دون مقياس
وياما سهرت الليل لجلك حريقة


*أضحك مردك بيوم تواجه الدمعه إما على جيتي ولا علي فراقي


*بس قبل المفارق ودي أسأل سؤال دام ما تفهمين الحب وش تفهمين ؟!


*خلنا نفترق ولا تنسج لي اعذارولا ارسم لك اسباب نقول نصيب ونكتفي وياما فرق هالنصيب احباب


*مايزعج النفس إلا بــــــعد غاليها
ولايسعد القلب إلا شوفة أحبابه
ياعين خلي دموعك فيك خــليها
القلب يكفيه من الاحزان ماصابه
يكفي حياتي غلا الغالين مالــيها
لاشفتهم زال كل الضيق واسبابه

*لو بغيت أصد عنك ماقويت
وان بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت فوق
مجداف الهوى قلبي غرق


*سمعت باليتيم اللي قدام عينه تموت امه؟؟
يناظر ولا يقدر يبرر لوعه الشفقان
يصرخ:خذي روحي بس خليك يايمه
وتموت ويعاني من الذكرى الم واحزان
كان احساسي احساسه وهمي همه
هو القدر اخذ امه وانا بفراق اعز الناس


*طيب وصدقت الحكي
غلطان غرتني العيون
مادري ان الناس
في لحظه تحب
وانها في لحظه تخون
الناس آآه يالناس
حتى بالمحبه
(( يكذبون ))
كمن أتصور
كل شي ممكن يصير
نشوف الكثير
نعاني الكثير
نفرح كثير
نروح
نتفارق
يصير اللي يصير
اللا الخيانه
ماهقيت انها تصير
الطيب أنا عادتي
والظلم يمكن عادتك
مسامحك
تقدر تروح
مسامحك
ياللي تركت الذكرى
في نفسي جروح!!!!


*ماعاد حبك
ولاشوفك يولعني ..


<<أنا نسيتك >>


واطلب منك تنساني


*عيوني تحجب الدمعه وعقلي يكتم الهوجاس
وقلبي صابته صدمه من فرقا اعز الناس


*قبلت ابعد بعيد
واتظاهر بكوني سعيد
واخفي دموعي يضحكتي
واداري ضعفي بقوتي


*والله لو تبعدين فلاهمني رضاك
واسمعي كلامي زين دام الجو هادي
ماكنتِِ شي وشلون ازعل لفرقاك
عادي وجودك كان وان رحتِ عادي
جايز اكون اول اتعاطفت معاك
لكن فبالي كان تركك وكادي
لاتنفعلين لاتثورين لاتبررين خطاياك
ماينفع الغرقان مد الايادي,,,,,,,


*اعلن رحيلك قدر الامكان

بس بفراق يكون باسلوب هادي

ما ودي بفرقى الم ودمع واحزان

ودي يكون فراقنا بشكل عادي


*نفسي أقول:
إني حزيـن
إني سجيـن
~لكل ذكرى لك معي~
وأبغى أقول:
إني أنــا
أشكي العنا
~وأقول للذكرى ارجعي~
وأرجع أقول:
ليت الهوى
يجمع سـوى
~أهل القلوب اللي تعي~
ونسيت أقول:
من الفراق
الصدرضـاق
~والعين هلت مدمعي~


*قلبي من بعدك ينزف دم من الشرايين
ليش تتركيني
وعلى قلبي تدوسين


*بودعكم انا اليوم وداع بشوق نلقاكم..
ولاتجوني بعتب أو لوم انا مااخترت فرقاكم..
انا برضى بهالمقسوم ولكن والله منساكم..
بودعكم وانا ملزوم فمان الله يرعاكم


*قريبا ساأتركك

وأعذريني علي الفرقا

ماكنت ناوي أتركك

بس هاذي الأيام وغدرها

وهذا اللي يبيه القدر

إفتحي صفحة مع غيري وعيشي أيامك الحلوه
هي شهور مرت بحلوها وبمرها اسمحي لي غصب عني بفارقك...


*الهم والهوجاس عقبكم غزان
والناس بعدكم كلهم صاروا أجناب
متى على الله ويتجدد لقانا
ونصير عقب غيابنا كلنا أحباب
الله بغلاكم ياخيتي بلانا
ودنيا بدونكم ماتساوي لها تراب

*ادري اني صرت ضمن المستحيل
بس قلبي رغم بعدك مانساك
وادري اني منك ضيعت الدليل
والسبب لاشك هو كثرة غلاك
وادري اني من سبب بعدك عليل
الله اكبرصارحبك لي هلاك
وادري اني ممكن القالك بديل
بس وين اللي يساويك بغلاك


* قبل الوداع

اسمع كلامي وافهمة

من فينا ماداس الخطى

من فينا كامل بالعطا

انا ابشر واخطي

وسبحان اللي كامل بالخطا


* ما يهم جفف دموعك ما يهم أضوي شموعك ما بقي شئ يا قلبي يسوى دمعه من دموعك ..


* الصيف قرب والسفر حان طاريه

الله يعين الي مفارق حبيبه


* يا إللي تلوم القلب بفراق غاليه ... جعلك بدنيا الحب تاخذ نصيبي


* على كيفك إذا بتروح ،،، أنا ما أجبرك تبقى

أعرف إللي يحب بروح ،،، بعد ما يبتعد يشقى



* إليا جفاك إللي من الناس تغليه ،،، خله فلا بد الليالي تجيبه



* تدرين و أدري بنفترق ..
تدرين قلبي بيحترق ..
حنا إتفقنا بكل شي ..
إلا الزمان عيا لا يتفق ..



* خبروه إني على وصله حييت ،،، و إن تفارقنا ترى موتي دنى


* روضتي جفت و أنا خلي سيول ،،، مبتعد عني و قلبي يتبعه


* كنتي الأماني الحلوه إللي تصورت ،،، و كنتي لي القمره لا جيت ساري
وكنتي لي الفزعه لا من إني تدهورت ،،، لا تاهت أفكاري يميني و يسراي


* لو إنت على فرقاي دمعك تنثر أنا على فرقاك قبري بنيته


* ما أضمن لك الأيام .. أضمن لك إحساسي .. لو نفترق أعوام .. ما يموت إخلاصي


* مهما ظروف الوقت عنك خذتني ... صافي الغلا ما ياخذه غيرك إنسان


* لا تقطع الوصل و إسأل عن الحال ... اليوم أنا معك و بكرى تحت الرمال


* لا تقاطع من يحبك ...
لا تعتذر في ظروفك ...
هاك عمري هاك كلي ...
بس لا تحرمني صوتك ..


* لي صاحبٍ غاب و غابت مع مراسيله ... مدري يدلع أو زادوا محبينه


* منسى ربعي و لو الزمن يقسى ،،، لكنهم صاروا أقسى من الزمن و نسوني


* يا رسايل علميهم !!

كيف قلبي ذاب فيهم !!

و لو مضى وقت و نسونا !!
يا رسايل ذكريهم !!


* ما عاد باقي لي من الناس غير إنت ،،، و حسرتي كان إنت عني تخليت


* أنا باقي لجل عينك و حبي قيد في يدينك تأكد لو قدرت أنساك جعل يومي قبل يومك


* ما قتل قلبي سهام و لا طعن جوفي رماح ما ذبحني غير واحدٍ قال أحبك ثم راح!!


* تبكي عيوني على فرقا مثلكم غالين ... لعنبو جد الغلا كيف عقب العز بكاني


* أنا من بعدك أتألم و كل الهم سكن فيني ... أخاف أدق و أتكلم صدى صوتك يبكيني


* شعوري لك مثل ما كان أنا مو طبعي النسيان و لو طالت بنا المدة ترى مازلت أعز إنسان


* إن كان قصدك على فرقاك تلوعني ... عشرات مثلك طواهم ليل نسياني


* عودتني دنيتي من أحبه يختفي لكن أنا من عادتي من أعرفه ما يتنسي


* ما ني بميت لينسيتي غرامي ،،، ببكي عليه أيام لحد منساه


* وينك يا قمر غايب .. من حبك ماني تايب .. إسأل حبيبي .. ترى لك حبايب


* أنا بدونك ليتني يوم ما كنت ... بس إنت قلي كيف حالك بدوني


* يا ليت من يطري على البال ينشاف ... و ياليت من نبغاه دايم نشوفه


* لو أنسى كل الناس .. و أنسى أنا حالي .. و يموت كل إحساس .. ما أنساك يا غالي


* بدونك دنيتي تصغر و صفى النفس يتعكر و تظل الدمعه حيرانه على بعدك ترى ما أقدر


* أحس إني بلا صوتك مثل ديره بليا ناس .. تخيل كيف يعيش إنسان في وحشة شوارعها


* سرحت بفكري الحاير أدور كلمه أرسلها و أثري كل الحكي يوقف على كلمة "فقدناك"


* "تغلى" بس على هونك تراني بالغلا تعبان أعاني لوعة غيابك و قلبي حيل مشقيني


* إذا أرسلنا ما تردون و إذا قطعنا ما تسألون ! قلنا إنجرب الموت يمكن تعزون


* أنا بنفسي غيابك ماني عارف أسبابه ! يا ليته يبين وش قصده من غيابه ..!!


* قسى قلبه و هو طيب و لا فكر يكلمني بخيل حيل في و صله كريم بزود هجرانه


* عساك تدري بغلاتك قبل تاخذك ظنوني .. ما ودي بالقطاعه بس الظروف منعتني


* إذا قصرت في وصلك يوم أطلبك تسامحني ترى آخرتي كفن أبيض وقبر صغير يحتويني


* كثير قلوب كذابة و كثير من ينسى أصحابه بس صاحبك له قلب صعب ينسى أحبابه


* تبيني أصبر عن غيابك لا غبت !! عطني مثل قلبك و أسوي سواتك !!


* طولت حيل أبسإلك جد وينك ؟ دخيل الله و بعد الله دخيلك لا تقاطعني


* و شلون بنساك قلي و إنت خابرني ... طاري الجفا لا طرالي ترجف عظامي ...


* قالوا : ينساك في غيابك ، قلت : مستحيل ، قالوا : واثق من جوابك ، قلت : شوفوا رده إلحين ؟


* ترى الوفا بقلوبنا حي مامات ... و أحبابنا لو يطول البعد غالين


* لو الجفا و البعد يصرف "شهادات" !! كان إنت !! ماجستير(نسيان و قطاعه)


* يا مختفي وينك عن الناس غايب .. دنيا بدونك في عيوني و لا شي ..!


* طبع الليالي بالسعادة (قصيرة) الله يذكر من فقدناه (بالخير)


* شخبار الغلا قلي ؟ أفا و الله يا خلي ! لك أيام يا القاطع ! لا تمسي و لا تهلي !


* سامح الله من جفوني ناس الخاطر هواهم بالقطاعه بادروني دون سبه ! وش بلاهم


* ودك تلاقيني .. ودي بلقياك .. لكن ظروف الوقت ما ساعدتنا


* سلام .. يا غايب عن العين .. و عن القلب ما غاب .. و شلون حالك يا بعد كل غالي


* لي إخت في الله غايبه و غابت مراسيلها مدري تتغلى و إلا زادت فواتيرها !!


* أبكي و أنادي ليه قطع المواصيل ..
متى على الله ساعه الوصل تاتي ..
يا دمعتي لا تطلبين المناديل ..
تكفين يا عيوني من الدمع هاتي ..
وينه ونيس الصبح و العصر و الليل ..
في غيبته غابت جميع أمنياتي ..


* فقدتك حيل صدقني عادتك ما تقاطعني و أن غاب صوتك تراسلني عساك بس بخير تذكرني


* ما هوب أنا إللي للعزيزين نساي .. يروح عمري و الخوي ما نسيته ..


* عسى حكم القدر يرفق بقلب ما بغى فرقاك و عسى الأيام تجمعنا و أحطك داخل عيوني


* "باصبر" على فرقاك و إن عشت محروم !!
"يكفي" خيالك سبه في سروري !!
حتى إنت لا تشتاق لا منت ملزوم !!
أدري بحياتك
" منتهي"
كل "دوري"!!
ما كان لي وياك بالحب مقسوم !!
بس "أعترف" ( لازلت ) عيني و نوري


* الغالي غاب و غابت مسجاته .. مدري يتدلع علي و إلا خايف على فليساته ؟؟


* غيبي يعني إيش لما تغيبين .. أنا طبعي كذا أحب التعالي


* لا صرت في فكري .. و أنا في خيالك .. ما نفترق لو قال الزمان ( إفترقنا )


* غابوا ما ندري السبب !! لا كلام و لا عتب !! قالوا الذهب يبقى ذهب .. حتى مسج لا ما كتب !


* أغيب !! و آخذ لي مع الوقت وقفات .. ورغم الغياب حبكم ما نكرته


* يعلم الله ما نسيتك و إني أتألم و أبيك و ما من ليله إلا وداعبني خيالك !!