للعشاق للعشاق فقط

الى كل من سقط بالحب ونجح بالامتحانات النهائيه مال الابتدائيه اذن ماهي احلى لحظات الحب سؤال يطرح نفسه ويتمرغل بالكاع احلى لحظات الحب هي من انت او هي بالفراش نعم بالفراش انت او هي بالفراش وانت يمها او هي يمك طبعا بفراش الموت وانت لحظات وراح تموت على فراش الموت وهي يمك تبجي ولازم ايدك وتبجي وتكلك ها حبيبي مو على بعضك احسك وانت تكلها ولج ياثوله مو راح اموت اني شنو مو على بعضك احسك شنو جاي نلعب حبيبتي راح اشتاقلك سامحيني الموت اخذني منج احبك احبك وبعيدين يموت وهي تشمر راسها على صدرك وتبجي تبجي وتصيح حبيبي حبيبي ماراح انساك راح اجي باليوم الثالث مال الفاتحه مالتك علمود العشاء وهم اقره الفاتحه بس ليش حبيبي ليش حبيبي تعوفني وانت ماكتلي شراح تسون عشه على روحك باليوم الثالث ليش ليش اذكر صديقي امحيسن من جان على فراش الموت بالحقيقه هو ماجان على فراش الموت جان على اريكة الموت لانه الفراش مالته دزه للنجار يسوي السبرنغات مالته لانه مابقه شئ على زواجه من حبيبته الشفيه سميره وسميره ماشاء الله عليها وزنها فوك الميه وخمسين وطويله وشماله خشمها امورم يعني وزن زايد سوه خشمها لهذا وده الفراش للنجار يسوي السبرتغات مالته كونكريتيه ويسوي للفراش دعائم حديديه ويسوي للفراش مالته دوشك مسلح بالحديد والقصدير وسبائك معدنيه لانه سميره ماشائ الله عليها من تتغده وتخلص وراها تلطع الصينيه كلها وتكول ماشبعت اخاف احتاج شراب مشهي المهم من جان على الاريكه مال الموت ينتظر حبيبته سميره حتلا يلقي النظره الاخيره عليها ويكلها احبج خطيه ينتظر وهي بعدها الخاتونه ماجايه اشو هو صار قلق وراه موته كعد دخن جكاره هسه تجي هسه تجي وماكو وراها اتصل بالمتعهد مال الفواتح يحظر ترتيبات الفاتحه وهاي بعدها ماجايه وراها خابر الشركه العراقيه للدفن بالنجف طلع مدير الشركه الدفان ابو الليل كال والله هسه قبطة النجف ماكو ولا شبر بس اكو كم مكان محجوزه من يصير الاقليم مال جنوب العراق لانه راح تعلك اذا تريد ادفنك بسوريا لانه فتحنه فرع للشركه هناك علمو اللاجئين العراقين لانه احنا مثل الحكومه والبرلمان هم نفكر بالمواطن العراقي وراها خلصت سميره واجتي يمه على اريكة الموت وكالت هاي امحيسن انتم السابقون ونحن اللاحقون عاد امحيسن كام من اريكةالموت وجاب النعال وجان يكول لسميره عيوني اتمددي على الاريكه وجان ينزل عليها بالنعال دك دك دك الى ان طلعت روحها وماتت سميره هاي لحظات الحب من تشوف حبيبك مهموم وعلى صدرك وانت ماشاء الله صدرك صاير مخده يوميه مهمومه شكل عليه لك وحدك صدري اذا ضاق بك الزمـــان فتعال الــــى صدري اذا الحزن قتل افراحك لا تتمهل تعال نحوي لاجلك في كل مكان تجدني في البري والبحري في الشرق الاوسط هناك او المغرب العربي اتراني غافلا عنك لا لا لا والله ياعمري انا حولك مثل الطوق لا انام الا يوم قتلي اتراني انسى يوما ذكراك واسمك يغيب عني اذا الفكر تاه عنك سحقت راسي بقدمي تعال الى صدري موطنك حبيبي الاصلي حدوده اضلاعي ولهفتي وكل مشاعري جنوده نبضات قلبي دستوره كل دمي تعال تعال ارمي احزانك على صدري انه قد خلق وتربى من طين ارض العراقي قبلة الاحزان مجرى الدموع اه لو تدري اذا طالت المسافات بيننا والفراق قتل احلامنا الشوق سوف يبقى عهدا بينك وبيني مدى العمري واذا المـــــــوت اخد جسمي الرفــــاة لك وحدك الرفاة ضريحا لك عليه تبكي كما كنت تبكي على صدري ان الدموع تخفف الاحزان اه ياحبيبي كم بكيت انا وحدي لك صدري لك عمري وكل املاكي الا القلب ........ فهو لي وحدي في داخله انت وحدك يا اجمل عمري افلا يحق لي ان اتمسك به طوال عمري لك صدري موطتك حبيبي الاصلي ومسقط راسك من الولاده الى اللحدي