ابوذيات غزلية رائعة

جميلة اتحدى واحد لا يكلهة
وغرور البيهة جدا لايكلهة
اخافن نبض قلبي لا يكلهة
ويصارحهة بمحبتي وتجفي هي

تحب تعرف احبك كم ترى كم
دشوف بقلبي حبك كم تراكم
عيوني غيرك كم ترى كم
ولكن بالقلب بس انت الية

بقلبي شما اذكر اسمك يرد صامت
وروحي من حزنهة عليك صامت
جهازي شما احطة بوضع صامت
يهلهل من تدك انت علية

يالبهمك ملابس لابستني
وثوب الحزن بيدك لبستني
اجيت ولا صالحتني لا بستني
ولا كتلي بالجذب حقك علية


منار فخر الدين